ნაციონალური მოძრაობის დეპუტატმა რომან გოცირიძემ სამთავრობო ცვლილებები შეაფასა და თქვა, რომ "მივიღეთ გავრილოვის მთავრობა". ოპოზიციონერი დეპუტატის თქმით, გიორგი გახარიას გადაყენების ნაცვლად, ქართულმა ოცნებამ საზოგადოებას ის "თავზე დაასვა".

"ეს არის საზოგადეობის დაცინვა, სილის გაწვნა და გამოწვევა. ამ გამოწვევა საზოგადოება მიიღებს და ამით დამთავრდება ქართული ოცნება. ის მთავრობა, რომელიც მივიღეთ, ფაქტობრივად ესაა გავრილოვის მთავრობა. ეს არის რუსეთის ინტერესების სრული დაკმაყოფილება. საქართველოში რუსეთი შემოვიდა ჯერ სიმბოლურად როდესაც გავრილოვი წამოსკუპდა და სკამზე და დღეს უკვე რუსეთი შემოვიდა საქართველოს მტავრობაში".

დღეს, 3 სექტემბერს მინისტრი გიორგი გახარია, რომლის გადადგომასაც საზოგადოების ნაწილი 76 დღეა ითხოვს, მმართველმა პარტიამ დააწინაურა და პრემიერ-მინისტრობის კანდიდატად წარადგინა.