Apple-მა ყოველწლიური iPhone-ის წარდგენის ღონისძიების მოსაწვევები დააგზავნა. პრეზენტაცია 10 სექტემბერს ტრადიციულ ადგილას, კალიფორნიაში, ეფლის სათავო ოფისში გაიმართება.

მოსაწვევებში არაა ნახსენები, თუ ზუსტად რის წარდგენას აპირებს კომპანია. თუმცა, მიჩნეულია, რომ ღონისძიებაზე ეფლი iPhone-ის ახალ მოდელს წარადგენს.

გავრცელებული ინფორმაციის მიხედვით ახალ iPhone-ებს სამმაგი კამერა ექნება.

როგორც წესი, ეფლი ასეთ პრეზენტაციაზე მხოლოდ ერთი პროდუქტის წარდგენით არ იფარგლება. 2018 წელს კომპანიამ ახალ აიფონებთან ერთად Apple Watch-ის ახალი სერიაც გამოავლინა.

კომპანია მოწვევის პარალელურად გავრცელებულ ფოტოში, როგორც წესი, გარკვეულ მინიშნებას მალავს.

რას შეიძლება ნიშნავდეს ცისარტყელის ფერებში გაფორმებული ლოგო?

არსებობს ჭორები, რომ ეფლი ცისარტყელისფერებიანი ლოგოს დაბრუნებას აპირებს, ასევე ერთ-ერთი ინფორმაციის მიხედვით, შესაძლოა, აიფონის ახალი მოდელი სწორედ ლოგოზე წარმოდგენილ ფერებში იყოს გადაწყვეტილი.

ამ ყველაფერს დანამდვილებით მხოლოდ 10 სექტემბერს გავიგებთ.