საქართველოს პრეზიდენტი სალომე ზურაბიშვილი პოლონეთში უკრაინის პრეზიდენტს, ვოლოდიმირ ზელენსკის შეხვდება. ამასთანავე, ზურაბიშვილი ორმხრივ შეხვედრებს გამართავს ბულგარეთისა და ესტონეთის პრეზიდენტებთან.

სალომე ზურაბიშვილი 31 აგვისტოდან 2 სექტემბრამდე პოლონეთს სამუშაო ვიზიტით ეწვევა. ის მონაწილეობას მიიღებს მეორე მსოფლიო ომის დაწყებიდან 80 წლის იუბილესთან დაკავშირებულ ღონისძიებაში. ამავე ღონისძიებაში მონაწილეობას მიიღებენ ევროპის ქვეყნების ლიდერები. ღონისძიებას დაესწრება აშშ-ს პრეზიდენტი, დონალდ ტრამპიც.

გარდა ამისა, პოლონეთში ვიზიტისას სალომე ზურაბიშვილი სიტყვით გამოვა გამოფენის "50 ქალი საქართველოდან" გახსნაზე და კონფერენციაზე "ქალთა როლი პოლიტიკაში".