პირველი ნოემბრიდან ნეტფლიქსი მარტინ სკორსეზეს The Irishman-ს კინოთეატრებში გაუშვებს. უშუალოდ ნეტფლიქსის სერვისზე კი ფილმი 27 ნოემბერს გახდება ხელმისაწვდომი.

განგსტერებზე გადაღებულ ფილმში მთავარ როლებს რობერტ დე ნირო, ალ პაჩინო და ჯო პეში ასრულებენ. ცნობილია, რომ ფილმი ნიუ-იორკის კინოფესტივალს გახსნის, რომელიც 27 სექტემბერს იწყება და სავარაუდოდ, ამის შემდეგ განთავსდება ფილმი ნეტფლიქსზე.

ნეტფლიქსის ფილმი ლეგენდარული რეჟისორისა და ცნობილი კინოვარსკვლავის რობერტ დე ნიროს მეცხრე კოლაბორაციაა. სცენარის ავტორი სტივ ზეილიენია, რომელმაც ჩარლზ ბრენდტის წიგნის I Heard You Paint Houses-ის ადაპტაცია გააკეთა.

ფილმის მთავარი გმირი ფრენკ შირანია, რომლის როლსაც დე ნირო ასრულებს. ის მშრომელთა გაერთიანების მაღალჩინოსანია, რომელსაც ბუფალინოს კრიმინალურ ოჯახთან საკმაოდ მჭიდრო კავშირი აქვს. 2003 წელს მისი სიკვდილის შემდეგ ბუფალინოს ოჯახმა აღიარა, რომ სწორედ მან მოკლა მისი პარტნიორი, ჯიმი ჰოფა რომელიც იგივე თიმსტერ ჯგუფის ლიდერი იყო, მისი ცხედარს დღემდე ვერ მიაგნეს. ჰოფას როლს კი ალ პაჩინო ასრულებს