დღეს კრწანისი-შინდისის დამაკავშირებელი გზის მშენებლობა დასრულდა და მოძრაობა გაიხსნა. თბილისის მერიის პრესსამსახურის განცხადებით, მაგისტრალი სოლოლაკის ვიწრო ქუჩებს საცობებისგან გაათავისუფლებს.

მერიის ინფორმაციით, მშენებლობა ჯეუ გრუპმა შეასრულა და ის საერთო ჯამში 4 993 986 ლარი დაჯდა:

"გზის მშენებლობასთან ერთად ტერიტორიაზე მოხდა ბუნებრივი აირის მილების გადატანა, გზის კონტურის ფორმირების სამუშაოები და გარე განათების ახალი ქსელის მოწყობა".

ახალი გზა კრწანისის უბანს თბილისისთვის შემოერთებულ უბნებს დააკავშირებს. როგორც დავით ნარმანია აცხადებს, თბილისიდან შინდისთან ამ გზით დასაკავშირებლად მხოლოდ ხუთი წუთია საჭირო.