"თუ საქართველოში არის, ამ ამბავს გაიგებდა და ჩამოვიდოდა. თუ საზღვარგარეთ არის, შეიძლება არც იცის. არ ეცოდინება, როგორ შეიძლება", — ასე პასუხობს ქართული ოცნება-მრეწველების დეპუტატი იოსებ მაკრახიძე კითხვას იმაზე, თუ რატომ არ ჩადის გუგუტიანთკარში გორის მერი. ამის შესახებ მან რუსთავი 2-ს განუცხადა.

გორის მერმა კონსტანტინე თავზარაშვილმა On.ge-სთან საუბრისას აღნიშნა, რომ შვებულებაშია და გუგუტიანთკარში დასვენების დასრულების შემდეგ ჩავა. მის ამ განცხადებას ადგილობრივები გამოეხმაურენ. "ნორმალურია ეგა?... დასვენების დრო არის ამ უბედურობაშია?", — განაცხადა ერთ-ერთმა.

გუგუტიანთკარში უკანონო ბორდერიზაციის პროცესი აგვისტოს ომის მე-11 წლისთავზე, 7 აგვისტოს დაიწყო და რამდენიმე დღეში შეწყდა.15 აგვისტოს საოკუპაციო რეჟიმმა მუშაობა განახლა.

რუსი სამხედროები ძელებს არჭობენ საქართველოს მოქალაქეების, რაზმაძეებისა და გუგუტიშვილების ნაკვეთებში. ე.წ. საზღვარს მიღმა ექცევა მათი საცხოვრებელი სახლი, ყანები და წყლის რეზერვუარი. საოკუპაციო რეჟიმმა სამი დღე მისცა ადგილობრივებს, სახლების დასაცლელად. რაზმაძეების ოჯახი სახლს მთლიანად შლის და საშენი მასალა გამოაქვ.

მომხდარს უკვე გამოეხმაურა საერთაშორისო თანამეგობრობა და რუსეთს უკანონო ქმედებების შეწყვეტისკენ მოუწოდა. გუგუტიანთკარში იმყოფებდონენ საქართველოში აკრედიტებული დიპლომატიური კორპუსის წარმომადგენლებიც და ადგილზე გაეცნენ ვითარებას.