ჟურნალისტური ეთიკის ქარტიის მიერ სატელევიზიო არხების მონიტორინგის შედეგების თანახმად, 30 აგვისტოდან 25 სექტემბრის ჩათვლით საზოგადოებრივმა მაუწყებელმა ყველაზე დიდი დრო ერთიან ნაციონალურ მოძრაობას დაუთმო.

პირველი არხის მიერ პოლიტიკური სუბიექტების გაშუქება ტონის მიხედვით, საქართველოს ჟურნალისტური ეთიკის ქარტია, 30 აგვისტო-25 სექტემბერი, 2016.

ფოტო: ჟურნალისტური ეთიკის ქარტია

კვლევის მიხედვით, არხზე ყველაზე დადებითად საქართველოს პრეზიდენტი გაშუქდა, მისთვის დათმობილი დროის 3 პროცენტი დადებით ტონში იყო. ხოლო ყველაზე უარყოფითად ექსპრეზიდენტი, მიხეილ სააკაშვილი, რომლისთვისაც დათმობილი დროის 68 პროცენტი უარყოფით ტონში იყო. ამასთან, ყველაზე მეტი ნეიტრალური ტონი პრემიერ-მინისტრს ჰქონდა, რომელიც მისთვის დათმობილი დროის 96 პროცენტით ნეიტრალურ ტონში გაშუქდა:

"პირველი არხი ეთერს საარჩევნო სუბიექტთა ფართო სპექტრს უთმობდა, სიუჟეტები მზადდებოდა სუბიექტების საარჩევნო აქტივობების შესახებ და ძირითადად შეესაბამებოდა ეთიკურ სტანდარტებს, თუმცა წინა საანგარიშო პერიოდის მსგავსად დაფიქსირდა მხარეთა შორის ბალანსის დარღვევის შემთხვევები".

მონიტორინგი ხორციელდებოდა შემდეგ სატელევიზიო არხებზე: საზოგადოებრივი მაუწყებლის პირველი არხი, რუსთავი 2, იმედი, მაესტრო, GDS, ტაბულა, კავკასია, ტვ პირველი, ობიექტივი, აჭარის ტელევიზია, ტელეარხი 25.