საქართველოს პარლამენტის თავმჯდომარის, არჩილ თალაკვაძის თქმით, 2020 წლის არჩევნებში ეტლით მოსარგებლე პირებს უფლება ექნებათ ხმის მისაცემად თავად შეარჩიონ ადაპტირებული საარჩევნო უბანი. ამის შესახებ მან საარჩევნო კანონმდებლობის რეფორმის განხილვისას ისაუბრა.

არჩილ თალაკვაძემ ასევე განმარტა, რომ განსაკუთრებული საჭიროების მქონდე პირებს საარჩევნო უბნის არჩევა არჩევნებამდე არაუგვიანეს 6 დღეში შეეძლებათ. მისი თქმით, ყველა ოლქი ვალდებული იქნება, რომ მინიმუმ ორი ადაპტირებული საარჩევნო უბანი ჰქონდეს.

პარლამენტის თავმჯდომარის თქმით, დღეს, 5 აგვისტოს იწყება კონსულტაციების მესამე ეტაპი, რომელშიც ოპოზიციური პარტიები, სამოქალაქო საზოგადოება და საერთაშორისო პარტნიორები იქნებიან ჩართულნი. არჩილ თალაკვაძემ აღნიშნა, რომ "ქართული ოცნება" მზადაა ამ რეფორმისთვის, თუმცა მათ ოპოზიციის მხარდაჭერაც სჭირდებათ.