ბანგლადეშში სპეცოპერაციის შედეგად დაღუპულის, თემირლან მაჩალიკაშვილის სახელობის წყარო გაკეთდა. ამის შესახებ ფეისბუქზე მაჩალიკაშვილების ოჯახის ადვოკატმა მარიამ კუბლაშვილმა დაწერა. მისი თქმით, წყაროს გახსნა თემირლან მაჩალიკაშვილის დის, ნატა მაჩალიკაშვილის დამსახურებაა.

2017 წლის 21-22 ნოემბრის ისნის სპეცოპერაციის შედეგად სუს-მა დააკავა დანაშაულებრივი ჯგუფის ერთი პირი და სამი წევრის ლიკვიდირება მოახდინა. რამდენიმე კვირის შემდეგ, 26 დეკემბერს, პანკისში, ახმედ ჩატაევთან და მის თანამზრახველებთან კავშირის ბრალდებით რუსლან ალდამოვთან ერთად ოთხი პირი დააკავეს. სახელმწიფო უსაფრთხოების სამსახურის ინფორმაციით, თემირლან მაჩალიკაშვილმა დაკავებისას წინააღმდეგობის გაწევა და ხელყუმბარის გამოყენება სცადა, რის გამოც სპეცრაზმელებმა მას ესროლეს. მაჩალიკაშვილმა სასიკვდილო დაზიანება თავის არეში მიიღო.