NGO-ები: აფეთქების უკან მდგომი ძალების სურვილია, არჩევნების დაძაბულობაში ჩატარება
![](http://rachel.on.ge/2016/10/05/DSC_0378_57f4d85b01a8c.jpg)
ფოტო: On.ge/თამო ლიპარტელიანი
არასამთავრობო ორგანიზაციები ენმ-ს წევრის, გივი თარგამაძის მანქანის აფეთქების ფაქტს ეხმაურებიან და განმარტავენ, რომ მომხდარი დემოკრატიული განვითარებისა და უსაფრთხოების ინტერესების წინააღმდეგ არის მიმართული და მის უკან მდგომი ძალების სურვილია საქართველოში დესტაბილიზაცია და არჩევნების დაძაბულ გარემოში ჩატარება:
"ამ შემთხვევას წინ უძღვოდა შეიარაღებული თავდასხმა დეპუტატობის კანდიდატ ირაკლი ოქრუაშვილზე გორში, და ძალადობრივი ინციდენტის შედეგად ქართული ოცნების აქტივისტების დაშავების ფაქტი ზუგდიდში. მაშინ, როდესაც რიგი გამოწვევების მიუხედავად, ამ ინციდენტებამდე საარჩევნო პერიოდი პოზიტიური გარემოთი ხასიათდებოდა, მსგავსი ქმედებები ცალსახად აზიანებს ქვეყნის ინტერესებს და საფრთხეს უქმნის მშვიდ და სტაბილურ საარჩევნო გარემოს, ქმნის სიტუაციის ესკალაციის რისკებს და აჩენს მნიშვნელოვან კითხვებს, რომლებზეც პასუხის გაცემა სამართალდამცავი ორგანოებისთვის გამოწვევაა. ამ გამოწვევასთან გამკლავება მათი საქმიანობის უმთავრეს პრიორიტეტს უნდა წარმოადგენდეს".
არასამთავრობოები მოუწოდებენ ხელისუფლებას, და სამართალდამცავ ორგანოებს, უპირველეს ამოცანად დაისახონ არჩევნების დღის და მანამდე დაგეგმილი აქციებისა თუ სხვა წინასაარჩევნო ღონისძიებების უსაფრთხოების უზრუნველყოფა. ასევე, სწრაფად, სრულყოფილად, გამჭვირვალედ და მიუკერძოებლად გამოიძიონ მომხდარი და ადეკვატურად დასაჯონ დამნაშავეები. ვფიქრობთ, რომ აღნიშნული ინციდენტის გამოძიება საგამოძიებო ორგანოებისთვის ღირსების საკითხი უნდა გახდეს, მითუმეტეს მაშინ, როდესაც ეს საკითხი პოლიტიკური ბრალდებების საგანი გახდა.
NGO-ები მოუწოდებენ პოლიტიკურ სუბიექტებს, ხელი შეუწყონ მშვიდობიან და სამართლიან საარჩევნო გარემოს, უარი თქვან ყოველგვარ ძალადობასა და გამოძიების დასრულებამდე, თავი შეიკავონ ყოველგვარი ბრალდებებისგან.
განცხადებას ხელს აწერენ: TI, ISFED, GYLA, სამოქალაქო განვითარების სააგენტო, ფონდი ღია საზოგადოება -საქართველო.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები