"სამარცხვინო ტიპი ხარ" — ლეიბორისტული პარტიის ლიდერის, გიორგი გუგავას ამ სიტყვებს ენერგეტიკისა და წყალმომარაგების მარეგულირებელი ეროვნული კომისიის სხდომაზე დაპირისპირება მოყვა. პასუხად კომისიის წევრმა, გიორგი ფანგანმა თქვა: "ტიპიც ხარ და არაკაციც".

ამ სიტყვების შემდეგ გუგავამ მოითხოვა "სალაპარაკოდ გარეთ გასულიყვნენ", რასაც ფანგანი არ დათანხმდა და კამათი დარბაზშივე გაგრძელდა. "აგხევ ნაკერზე" — დაიმუქრა გუგავამ, რა დროსაც საუბარში დედაქალაქის ყოფილი მერი და კომისიის წევრი დავით ნარმანია ჩაერთო. სხდომა კამათისა და ორმხრივი შეურაცხყოფის ფონზე გაგრელდა.

საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ დღევანდელ სხდომაზე გაზის კომპანიებისთვის ტარიფის დადგენაზე საქმის წარმოება დაიწყო. საჯარო ადმინისტრაციული წარმოებების წესის შესაბამისად, კომისიაში წინადადებების წარდგენის ვადად განისაზღვრა 2019 წლის 1 ოქტომბერი, ხოლო გადაწყვეტილების მიღების ბოლო ვადად 2019 წლის 31 დეკემბერი.