ახალციხეში კოსტავას ქუჩაზე მდებარე საათი მეხის დაცემის გამო ორი თვეა გაჩერებულია. ამის შესახებ ინფორმაციას ადგილობრივი გამოცემა სამხრეთის კარიბჭე ახალციხის მერიაზე დაყრდნობით ავრცელებს.

გამოცემის ცნობით, საათი აპრილში დადგეს, ბოლო ორი თვე კი არ მუშაობს.

"ძლერი წვიმის დროს მეხი დაეცა საათს და მექანიზმი დააზიანა. მეხმა, ასევე, დააზიანა საცხოვრებელი კორპუსის უკან ენერგოპროს მაღალგადამცემი ხაზი", — ამბობენ მერიაში.

მათივე თქმით, საათის დაზიანებულ მექანიზმს უახლოეს მომავალში შეცვლიან.