საკონსტიტუციო სასამართლოს ინფორმაციით, მიმდინარე წლის 6 ოქტომბერს, 12 საათზე სასამართლოში გაიმართება პლენუმის სხდომა, სადაც საკონსტიტუციო სასამართლოს მუშაობასთან დაკავშირებულ სხვადასხვა ორგანიზაციულ საკითხებს განიხილავენ.

გარდა ამისა, 14 საათზე საქართველოს საკონსტიტუციო სასამართლოში გაიმართება პლენუმის სხდომა, რომელზეც განიხილება საკონსტიტუციო სასამართლოს თავმჯდომარეობის კანდიდატების წარდგენისა და არჩევის საკითხი.

საკონსტიტუციო სასამართლოს პლენუმმა ორი კვირის ვადაში უნდა წარადგინოს ახალი თავმჯდომარეობის კანდიდატები.

საკონსტიტუციო სასამართლოს სამი ახალი მოსამართლე ჰყავს. ირინა იმერლიშვილმა, გიორგი კვერენჩხილაძემ და თეიმურაზ ტუღუშმა ფიცი 2 ოქტომბერს დადეს.