ქართული ოცნების წევრი, ყვარლის მაჟორიტარი დეპუტატობის კანდიდატი ახალ თაობასთან ინტერვიუში ამბობს, რომ ხელისუფლება "ყველაფერს აკონტროლებს" და სწორედ ამის გამო, ნაციონალური მოძრაობა ვერ შეძლებს არეულობისა და რევოლუციის მოწყობას:

"მე იმედი მაქვს, რომ თუ მინიმუმ კანონმორჩილნი არ არიან, კანონის მაინც ეშინიათ და მშვენივრად იციან. რომ ყველაფერს ვაკონტროლებთ. თითო-თოითოდ გვყავს დათვლილი, ვინც ფიქრობს არეულობაზე და იმ სცენარის განვითარებაზე, რასაც დესტაბილიზაცია ჰქვია. თუ მსგავსი მცდელობები ექნებათ. მიიღებენ ადეკვატურ პასუხს. ეს იქნება ნაციონალური მოძრაობის ხარაკირი და კიდევ ერთი ნათელი სურათი, თუ რას წარმოადგენს ნაციონალური მოძრაობა".

სესიაშვილის თქმით, ნაციონალურ მოძრაობას "ეშმაკი ჰყავს შეჩენილი". ის დარწმუნებულია, რომ პოლიტიკურ რეიტინგებზე სიცრუეს იმიტომ ავრცელებენ, რომ მერე არჩევნების გაყალბებაზე ისაუბრონ. თუმცა, ქართული ოცნების მაჟორიტარი დეპუტატობის კანდიდატის მოსაზრებით, ნაცმოძრაობა არეულობის მოწყობას ვერ შეძლებს.