ფესტივალ Echowaves-მა Line UP-ის მესამე ფაზა დააანონსა. 22-25 აგვისტოს ანაკლიაში სტუმრების წინაშე წარსდგებიან ისეთი არტისტები, როგორიცაა Nina Kraviz, Ben Klock, Claptone, Rodhad, Adriatique, DJ Tennis, KiNK, Dax J, Red Axes, HVOB, Giorgia Angiulli და სხვა მრავალი.

ფესტივალი ECHOWAVES ანაკლიის სანაპიროზე წელს უკვე მეორედ იმართება და მისი ერთ-ერთი მთავარი მიზანირეგიონის ეკონომიკური განვითარება და ტურისტებისთვის მიმზიდველი ღონისძიების ჩატარებაა.

გასულ წელს ანაკლიას ფესტივალის ფარგლებში სტუმრები 70-მდე ქვეყნიდან ეწვივნენ, ხოლო საერთაშორისო მედიაში საქართველოსა და ფესტივალის შესახებ 27 000 000-ზე მეტმა ადამიანმა შეიტყო.


Echowaves , 2014 და 2018 წლების ევროპის საუკეთესო ფესტივალის ტიტულის მქონე EXIT-ის მხარდაჭერით ტარდება. მუსიკის გარდა ფესტივალი მოიცავს სპორტს, ფიზიკურ აქტივობებს და სხვა თეატრალურ, კულტურულ, სოციალურ და საგანმანათლებლო ღონისძიებებს.

ფესტივალის მულტიპასის ღირებულება დღეისათვის 150 ლარს შეადგენს და მისი შეძენა ამ ბმულზეა შესაძლებელი.