ლაგოდეხის მუნიციპალიტეტის საკრებულოს უფროსის, გიორგი მესხიშვილის ფეისბუქზე რუსულ ენაზე ანტიდასავლური სტატუსი გამოქვეყნდა.

"ევროპა ისევ გამო**ევდა, ახალი ადოლფია საჭირო..." — წერია აპარატის უფროსის პოსტზე.

ფოტო: გიორგი მესხიშვილი / Facebook

On.ge გიორგი მესხიშვილს დაუკავშირდა და ჰკითხა რას უკავშირდებოდა მისი ანტიდასავლური პოსტი. როგორც მან თქვა, სტატუსი მას არ ეკუთვნის და კედელზე სხვამ დაუპოსტა. მას შემდეგ რაც ავუხსენით, რომ ანტიდასავლური სტატუსი მისი სახელითაა გამოქვეყნებული, გიორგი მესხიშვილი მაინც ამტკიცებდა, რომ ეს სიტყვები მას კედელზე სხვამ დაუწერა. საუბრის დასასრულს კი აპარატის უფროსმა თქვა, რომ თავისი კედლიდან პოსტს წაშლიდა. ამ ეტაპზე სტატუსი აღარ იძებნება.