ბათუმში მეზღვაურთა საერთაშორისო დღის აღსანიშნავ ღონისძიებაზე სუხიშვილების ნაციონალური ბალეტი იცეკვებს. სუხიშვილები საბიუჯეტო ორგანიზაციიდან 15 ათას ლარს მიიღებს.

როგორც საზღვაო ტრანსპორტის სააგენტო განმარტავს ღონისძიება 25 ივნისს უნდა გამართულიყო, თუმცა "ქვეყანაში მიმდინარე პროცესების გამო" კონცერტი გადაიდო. უწყებას მეზღვაურთა დღის აღნიშვნა 12 ივლისს უნდა.

ნაციონალური ბალეტის ხელმძღვანელი ნინო სუხიშვილი ჰომოფობიური შინაარსის განცხადებებით გამოირჩევა. მაგალითად, რამდენიმე დღის წინ გეი ფილმის რეჟისორმა აღნიშნა, რომ ნინო სუხიშვილმა თქმით, ქართულ ცეკვაში გეი არ არსებობს და მოცეკვავეები დაბლოკა. ჰომოფობიური შინაარსის ბრალდებას სუხიშვილმა ჰომოფობიური ტექსტითვე უპასუხა და განმარტა: "ქართული ცეკვა კაცურია, ანსამბლში სხვა ორიენტაციის კაცი არ გვყოლია".