აქცია #სირცხვილია 21-ე საპროტესტო დღე დასრულდა. ტრადიციულად, პროტესტი ხვალ, 7 საათზე პარლამენტთან გაგრძელდება.

დღეს პარლამენტთან ფოტოგამოფენა მოეწყო, რომელიც 20 ივნისის აქციის დაშლასა და შემდგომ განვითარებულ მოვლენებს ასახავდა.

პარლამენტის წინ ინსტალაცია მოაწყეს. ბანერზე, რომელზეც გიორგი გახარიასადმი მიმართვებს წერდნენ, სიმბოლურად გაავლეს მავთულხლართები და იმ პირების ფოტოები ჩამოკიდეს, ვინც რუსულ აგრესიას ემსხვერპლა.

ცუდი ამინდის მიუხედავად აქცია არ შეწყვეტილა. დემონსტრანტებმა ისევ იმღერეს ჟუჟუნა წვიმა.

აქციის მსვლელობისას დემონსტრანტებს ნიუ-იორკიდან გამოგზავნილი მაისურები დაურიგეს, რომელიც მიმი აბინტრამ დაამზადა. მაისურებს ეწერა "We the love" და "ჩვენ ვართ სიყვარული".

სრული ფოტო და ვიდეორეპორტაჟი აქციიდან ნახეთ აქ.