გაფრთხილება: სტატია შეიცავს სპოილერებს დიდი პატარა ტყუილების მეორე სეზონიდან, ასე რომ, თუ კითხვას განაგრძობთ, ჩვენზე ნუ გაბრაზდებით.

9 ივნისს მონტერეის ხუთეული HBO-ზე დაბრუნდა, ახალი დრამით, ტყუილებითა და მერილ სტრიპით.

სერიალის პირველივე ეპიზოდში გამართლდა ტიზერებიდან და ტრეილერებიდან შექმნილი მოლოდინი იმაზე, რომ პერის დედა, მერი ლუისი (მერილ სტრიპი) დედებს პრობლემას შეუქმნიდა. ის დაცინვასა და აგრესიას არ აკლებს სელესტის მეგობრებს, რენატასა (ლორა დერნი) და მედელინს (რიზ უიზერსპუნი).

მაყურებელს მოლოდინი უჩნდება, რომ მონტერეიში თითქოსდა შურის საძიებლად ჩამოსულ მერი ლუისს ვინმე საკადრის პასუხს ერთხელ მაინც გასცემს. მართლაც, ვინ შეძლებდა ერთი გამოხედვით იმხელა ემოციის გამოწვევას, თუ არა შეუდარებელი მერილ სტრიპი, რომელიც ყველა სიტუაციას გამარჯვებული ტოვებს?

შინაარსის მატარებელი ხდება გასულ ზაფხულს ტვიტერზე გავრცელებული პაპარაცის ფოტოც, რომელშიც რიზ უიზერსპუნის განრისხებული გმირი მშვიდად მოსეირნე სტრიპის პერსონაჟს ნაყინს სვრის.

თუმცა, მეხუთე სერიაში, სადაც მერი ლუისისა და მედელინის შეხვედრის ეპიზოდი ვნახეთ, ნაყინის სროლის სცენა ამოჭრილი იყო.

როგორც მერილ სტრიპმა Entertainment Weekly-ს უთხრა, სცენას მაინც ვნახავთ:

"რიზმა გამიმხილა, რომ ეს კადრები შოუში არ იქნებოდა, თუმცა DVD-ის დამატებით მასალებში მას ნახავთ".

როგორც გასულ წელს რიზმა ET-ს უთხრა, ნაყინის სროლის სცენა მისი კარიერის ტოპ 5 საუკეთესო მომენტებშია. კიდმანი და იუზერსპუნი ასევე სერიალის პროდიუსერები არიან და მეორე სეზონის თითო სერიაში მილიონ დოლარს იღებენ.