ხორავას ქუჩაზე მოხარდების მკვლელობის საქმეზე დანაშაულის დაფარვის ბრალდებით მსჯავრდებული, პროკურატურის ყოფილი მაღალჩინოსანი, მირზა სუბელიანი მონასტერში მიდის. ინფორმაციას სუბელიანის ადვოკატზე, ეკა ხუციშვილზე დაყრდნობით ინტერპრესნიუსი ავრცელებს.

გამოცემის ცნობით, ადვოკატმა თქვა, რომ არ აქვს ინფორმაცია, როდის და რამდენი ხნით მიდის მონასტერში.

მირზა სუბელიანმა პენიტენციური დაწესებულება გუშინ, 8 ივლისს დატოვა. სუბელიანს ოთხი თვის წინ თბილისის საქალაქო სასამართლომ ერთი წლითა და ერთი თვით მიუსაჯა პატიმრობა, სასჯელის ათვლა კი დაკავების დღიდან [2018 წლის 9 ივნისი] დაიწყო. მირზა სუბელიანს მოსამართლემ ბრალი გადაუკვალიფიცირა დანაშაულის შეუტყობინებლობიდან დანაშაულის დაფარვაში.