პარლამენტის ადამიანის უფლებათა დაცვის კომიტეტის თავმჯდომარე, სოფო კილაძე ამბობს, რომ მთავრობა არ არის ვალდებული, ცალკეული ჯგუფების ყველა მოთხოვნა შეასრულოს. ასე ეხმაურება კილაძე ჰომოფობიური ჯგუფების მიერ ანტიდისკრიმინაციული კანონის გაუქმების მოთხოვნას.

მას მიაჩნია, რომ ანტიდისკრიმინაციული კანონი უნდა არსებობდეს.

გუშინ, 8 ივლისს პარლამენტის წინ შეკრებილმა ჰომოფობიურმა და ულტრა-მემარჯვენე ჯგუფებმა ანტიდისკრიმინაციული კანონის გაუქმება და ისეთი კანონის მიღება მოითხოვეს, რომელიც თბილისი პრაიდს აკრძალავს.