საქართველოს პარლამენტის ინფორმაციით, ეუთოს საპარლამენტო ასამბლეის პოლიტიკურ საკითხთა და უსაფრთხოების კომიტეტმა ოკუპირებულ აფხაზეთში და ცხინვალის რეგიონში უსაფრთხოების და ადამიანის უფლებების მდგომარეობის შესახებ პროექტი მიიღო. საპარლამენტო ასამბლეის პოლიტიკურ საკითხთა და უსაფრთხოების კომიტეტზე დოკუმენტის მიღების მომხრე 50 იყო, მოწინააღმდეგე კი 5.

რა წერია დოკუმენტში

  • რეზოლუციაში ასახულია 2008 წლის 12 აგვისტოს ცეცხლის შეწყვეტის შეთანხმების შესრულების აუცილებლობა;
  • ოკუპირებულ ტერიტორიებზე ადამიანის უფლებების დაცვის მხრივ არსებული მძიმე ვითარება;
  • რუსეთის ფედერაციის მიერ ოკუპირებულ აფხაზეთსა და ცხინვალის რეგიონში ადამიანის უფლებების უხეში დარღვევისა და ოთხოზორია-ტატუნაშვილის სიით გათვალისწინებულ დამნაშავე პირებთან მიმართ სამართლის აღსრულების ხელშეწყობა;
  • რუსეთის ფედერაციის მხრიდან ოკუპირებულ ტერიტორიებზე მცხოვრები მოქალაქეების მიმართ ეთნიკური დისკრიმინაცია და არაადამიანური მოპყრობა;
  • იძულებით გადაადგილებულ პირთა საცხოვრებელ ადგილებზე ღირსეული დაბრუნება;
  • ოკუპირებულ ტერიტორიებზე საერთაშორისო მექანიზმის დაშვების აუცილებლობა;
  • ჟენევის საერთაშორისო მოლაპარაკებების ხელშეწყობა;
  • საქართველოს სამშვიდობო პოლიტიკა;
  • ნაბიჯი უკეთესი მომავლისკენ მტკიცე მხარდაჭერა.