სტუდია მონიტორის ინფორმაციით, სახელმწიფო უწყებებმა 2012 წლიდან დღემდე 900 ათასი ლარის ღირებულების რუსული წარმოების ავტომობილი შეიძინეს, რომლებსაც ყველა სხვა ავტომობილთან შედარებით ყველაზე ნაკლები გარანტია აქვს. ამასთანავე, ნივას გარანტია არ ვრცელდება სავალ ნაწილებზე.

მონიტორის ცნობით, ერთ-ერთი უახლესი ფაქტი ეხება სატყეო სააგენტოს. კერძოდ, უწყებამ 12 ახალი ნივა შეიძინა, თითოეული ავტომობილის ღირებულება კი 19 600 ლარია. სატენდერო წინადადებაში შესაძენი ავტომობილის ის პარამეტრები იყო შეყვანილი, რომელსაც მხოლოდ ნივა აკმაყოფილებს და არცერთი სხვა.

ეროვნული სატყეო სააგენტოს დირექტორი, თორნიკე გვაზავა მონიტორთან ინტერვიუში ადასტურებს, რომ მათ სატენდერო დოკუმენტაციაში სპეციალურად მიუთითეს ნივის მონაცემები, რადგან სწორედ ამ ავტომობილის შეძენა სურდათ:

"არსებული ავტომობილების შენახვა ძვირი გვიჯდება. ჩვენ გვიწევს ტყეში 50 კილომეტრზე მეტი სიარული და ნივა უფრო დადის, ასე ვთქვათ".

სატყეო სააგენტოს ნივები კომპანია გლობა მოტორს ჯორჯია-ჯიემჯიმ" უნდა მიაწოდოს. სწორედ ამ კომპანიამ მიაწოდა სახელმწიფო უწყებებს 900 ათასი ლარის ღირებულების რუსული ავტომობილები 2012 წლიდან.

აღნიშნული ტენდერის პრობლემა ისაა, რომ ის კონკრეტულ მოდელზეა მორგებული, რაც სატენდერო კანონმდებლობის მიხედვით აკრძალულია.