მარშანია ჟურნალისტებს: თქვენ მე ნუ მასწავლით ოკუპანტს როგორ და რანაირად უნდა ველაპარაკო

25 Jun. 2019, 13:23

მინდა მივმართო ე.წ. ტელეარხებს და ე.წ. ჟურნალისტებს, რომლებიც არიან ამ სადისტური პარტიის [ნაციონალური მოძრაობის] მომსახურე პერსონალი, რომელიც კოჰაბიტაციაშია ქართულ ოცნებასთან და თანაოკუპანტია გავრილოვის. გავრილოვზე ნაკლებები ესენი არ არიან.

თქვენ მე ამ დღეებში რა გამიბედეთ, რომ გამიბედეთ? რა ბინძური შეფასებები დაატრიალეთ ათასჯერ? გავრილოვს მე ვუთავისუფლებდი თურმე ადგილს. ეს არის ნაძირლობა თქვენი მხრიდან. TV პირველის ჟურნალისტები, რომელთაც სამართლიანად ხალხში "პირგველი" ჰქვია და რუსთავი 2, ხალხში სამართლიანად "ცრუსთავი" რომ ჰქვია. ვაი, სამწუხაროდ, იმედის ჟურნალისტები ჩემთან ახლოს არ მოხვიდეთ და ჩემს კაბინეტთან არ მოხვიდეთ. თქვენ ხართ პროვოკატორები. ბოდიში მომიხადეთ იმისთვის, რაც გამიკეთეთ ამ დღეებში.

თქვენ მე ნუ მასწავლით ოკუპანტს როგორ და რანაირად უნდა ველაპარაკო. მე ოკუპანტის ბუდეში ჩავდივარ მოსკოვში, თვალებში ვუყურებ და იმ ოკუპანტს ვეუბნები იმას, რაც ეკუთვნის რომ ვუთხრა. თქვენ ამას თქვენი კამერებით მისდღემჩი ვერ გააკეთებთ.

ბოლო ამბები:

ადა მარშანია მარშანია ჟურნალისტებს: თქვენ მე ნუ მასწავლით ოკუპანტს როგორ და რანაირად უნდა ველაპარაკო

კომენტარები

კვირის ტოპ-5

გირჩევთ

ახლა კითხულობენ

ახალმა პრეპარატმა პანკრეასის სიმსივნის მქონე პაციენტთა გადარჩენის პერიოდი გააორმაგა