ქართველმა პიანისტმა და ბერკლის მუსიკალური კოლეჯის პროფესორმა საქართველოდან, გიორგი მიქაძემ თბილისში მიმდინარე პროცესების მხარდასაჭერად ჩინეთში საქართველოს ჰიმნი შეასრულა. ამის შესახებ ინფორმაცია ამერიკის ხმამ გაავრცელა. მიქაძემ 22 ივნისს wang leehom-ის ტურნეს ფარგლებში მორიგი კონცერტი გამართა.

გიორგი მიქაძე ქართველი პიანისტია, რომელმაც თბილისის შემდეგ მუსიკალური განათლება ამერიკის შეერთებულ შტატებში მიიღო. ის ამ დროისთვის როგორც ამერიკის შეერთებულ შტატებში, ასევე ჩინეთში მოღვაწეობს, მუშაობს რამდენიმე ქართულ პროექტზე.