რუსი ჟურნალისტი ალექსანდრ ნევზოროვი თბილისში მიმდინარე მოვლენებს გამოეხმაურა და საქართველოს მხარდაჭერა გამოუცხადა. ნევროზოვმა თავის იუთუბ არხზე ვიდეო გაავრცელა, რომელშიც აჭარულ განდაგანას უსმენს და მაისურზე სიტყვა საქართველოს წერს.

თბილისში რამდენიმე დღეა ანტიოკუპაციური მიტინგები მიმდინარეობს. პროტესტი საქართველოში რუსი დეპუტატების, მათ შორის კომუნისტური პარტიის წევრის, სერგეი გავრილოვის ვიზიტმა გამოიწვია, რომელიც პარლამენტის თავმჯდომარის სავარძელში ჩაჯდა. საპროტესტო ტალღის გამო ასამბლეა ჩაიშალა და რუსმა დეპუტატებმა ქვეყანა დატოვეს. პასუხად პუტინმა რუსულ ავიაკომპანიებს საქართველოში, ქართულებს კი რუსეთში ფრენა აუკრძალა.