ახალი მემარჯვენეები პაატა ბურჭულაძის ბლოკში რჩებიან. ამის შესახებ მოძრაობის წარმომადგენელმა, მამუკა კაციტაძემ განაცხადა და განმარტა, რომ პარტიაში ბურჭულაძის ბლოკის დატოვების საკითხი იდეის დონეზეც კი არ განიხილება:

"ახალი მემარჯვენეები ჩვეულებრივად ვაგრძელებთ პოლიტიკურ ცხოვრებას, ჩვეულებრივად ვაგრძელებთ მზადებას 8 ოქტომბრის არჩევნებისთვის და იდეის დონეზეც კი არ განიხილება პარტიაში ჩვენ მიერ ბლოკის დატოვების საკითხი. არანაირი საფუძველი არ მაქვს იმისა, რომ ეჭვი შევიტანო იმ განცხადებებში, რომელიც გაკეთდა პაატა ბურჭულაძის მხრიდან გუშინდელ გაჟღერებულ ინფორმაციებთან დაკავშირებით. თუმცა მაქვს ინტერესი, რომ უფრო დეტალური ინფორმაცია მივიღო ამასთან დაკავშირებით, რაც დღეს, სავარაუდოდ, მოხერხდება".

27 სექტემბერს გირჩმა მოძრაობა სახელმწიფო ხალხისთვის დატოვა და განაცხადა, რომ 2016 წლის არჩევნებს გამოტოვებს. პაატა ბურჭულაძემ კი განმარტა, რომ გირჩს ბიძინა ივანიშვილი აფინანსებდა.