ბიზნესმენი ლევან ვასაძე სახალხო რაზმებს აუქმებს. ამის შესახებ მან ვერის ბაღში განაცხადა.

ვასაძე აცხადებს, რომ შინაგან საქმეთა სამინისტრომ პრაიდის გუნდს მსვლელობის ჩატარებაზე უარი უთხრა და აქციის გამართვა აუკრძალა. მისივე თქმით, ამ მიზეზით აუქმებს რაზმებს.

"პატრულირებას ვაუქმებთ, მაგრამ მზად ვართ, ერთი ტელეფონის ღილაკის დაჭერით გავჩნდეთ, თუ შინაგან საქმეთა სამინისტრო დანაპირებს არ შეასრულებს და გარყვნილების ზეიმის მცდელობა იქნება", — თქვა ვასაძემ.

დღეს, 17 ივნისს შსს-მ სახალხო რაზმების შექმნის შესახებ ლევან ვასაძის განცხადებაზე გამოძიება დაიწყო. გუშინ "ნამდვილი კაცების" აქციაზე ლევან ვასაძემ სახალხო რაზმების ორგანიზება და ლეგიონის შექმნა დააანონსა. მისი თქმით, ლეგიონის მუშაობის ფორმა იქნება მშვიდი, იარაღის გარეშე. მაგრამ თავადვე აღნიშნა, რომ ნებისმერ კორდონს გაარღვევენ