თავდაცვის სამინისტროს ინფორმაციით, ვაზიანში საქართველოს თავდაცვის ძალების სამხედრო მოსამსახურე გარდაიცვალა. უწყების ცნობით, სახმელეთო ჯარების აღმოსავლეთ სარდლობის მეოთხე მექანიზებული ბრიგადის 44-ე ბატალიონის სამხედრო მოსამსახურე ვაზიანის პოლიგონზე გეგმიურ სწავლებებს გადიოდა.

მათივე ინფორმაციით, კაპრალი შეუძლოდ გახდა, რის შემდეგაც მეოთხე ბრიგადის ლაზარეთში გადაიყვანეს. მას ლაზარეთში შესვლისას გული გაუჩერდა. უწყების ცნობით, კაპრალს გულ-ფილტვის რეანიმაცია ჩაუტარდა, თუმცა, ის გარდაიცვალა.