როგორც ტრანსპორტის სამსახურში On.ge-ს განუცხადეს, MAN-ის ავტობუსები უკვე თბილისშია და ისინი დედაქალაქში გადაადგილებას ოქტომბრის პირველი რიცხვებიდან დაიწყებენ.

უწყების ინფორმაციით, დედაქალაქის მასშტაბით სპეციალური ზოლების დახაზვა, რომლებზეც მხოლოდ საზოგადოებრივი ტრანსპორტი გადაადგილდება, უკვე დაწყებულია. თავდაპირველად, ავტობუსები სპეციალურ ზოლზე იმოძრავებენ ვაკის პარკიდან კუს ტბის ასახვევამდე:

"ავტობუსები 61 ნომრის ხაზზე იმოძრავებენ. შესაბამისი ზოლების, ე.წ. Bus Lane-ების დანერგვა უკვე დაწყებულია და მათზე მხოლოდ საზოგადობრივი ტრანსპორტი - ავტობუსები და მიკროავტობუსები შეძლებენ სიარულს.

სპეციალურად გავაკეთეთ ყვითელ ფერში, რომ კარგად ხილვადი იყოს. გაზაფხულზე, როდესაც 143 ახალი ავტობუსს მივიღებთ, გვინდა რომ ქალაქი მთლიანად უზრუნველყოფილი იყოს ამ ზოლებით. იმედი გვაქვს, რომ როდესაც უცხოეთის გამოცდილებით, მთლიანად გამოვცვლით ავტოპარკს, მოსახლეობის დიდი ნაწილი უარს იტყვის საკუთარი ავტომობილით გადაადგილებაზე და საზოგადოებრივ ტრანსპორტს გამოიყენებს. ამას იმისთვის ვაკეთებთ, რომ გადაადგილება უფრო უსაფრთხო, სწრაფი და კომფორტული გახდეს".

ფოტო: ირაკლი ლექვინაძე / Facebook