ევროპული საქართველოს ლიდერის, ირმა ნადირაშვილის თქმით, 9 ივნისის შუალედური არჩევნების მეორე ტურის დღემ უკვე ჩაიარა მძიმედ. ამის შესახებ მან არჩევნების დასრულებამდე რამდენიმე წუთით ადრე განაცხადა.

მისივე თქმით, ეს არჩევნები იყო კრიმინალისა და ხელისუფლების შერწყმა და ამის საშუალებით არჩევნების ჩატარება.

"ჩვენ უკვე დაველოდებით ინფორმაციას უბნებიდან, ალბათ 2-3 საათში პირველადი სურათი გვექნება და მომდევნო შეფასებებს გავაკეთებთ. მე არ დავიწყებ ჩემი პროგნოზების გამოთქმას, ჩვენს სჯობს დაველოდოთ და ვნახოთ, რა ვითარება გვექნება", — ამბობს ირმა ნადირაშვილი.

მთაწმინდის საარჩევნო ოლქში მეორე ტური ლადო კახაძესა და შალვა შავგულიძეს შორის იმართება. პირველ ტურში ქართული ოცნების კანდიდატმა, ვლადიმერ კახაძემ ხმების 41 პროცენტი (6 036 ხმა) მიიღო, მისმა კონკურენტმა თავისუფალი დემოკრატებისა და ევროპული საქართველოს საერთო კანდიდატმა, შალვა შავგულიძემ — 36,83% (5 422 ხმა).