სახელმწიფო უსაფრთხოების სამსახურის ანტიკორუფციულმა სააგენტომ დიდი ოდენობით სხვისი ნივთის თაღლითურად დაუფლების ბრალდებით შპს ბილდინგ-დეველოპერის დირექტორი სასამართლოს განჩინების საფუძველზე დააკავა.

დაკავებას წინ უსწრებდა შაბათის კურიერის ანონსი, რომელიც შპს ბილდინგ-დეველოპერის საქმიანობას ეხებოდა.ტელევიზიის ცნობით, მათ გამოძიებაში საუბარია, როგორც დაუბრუნდა ტენდერებს შპს, რომელმაც ბიუჯეტიდან მილიონობით თანხა გაფლანგა.

ამ საქმეზე გამოძიება 2018 წლის 14 დეკემბერს დაიწყო. ანტიკორუფციული სააგენტოს ცნობით, 2017 წლის 8 აგვისტოს, საგარეჯოს მუნიციპალიტეტის გამგეობასა და შპს ბილდინგ-დეველოპერს შორის გაფორმდა ხელშეკრულება საგარეჯოს მუნიციპალიტეტის სოფელ ბადიაურში წყლის ცენტრალური მაგისტრალის სარეაბილიტაციო სამუშაოების შესრულებასთან დაკავშირებით.

"შპს ბილდინგ-დეველოპერის დირექტორმა არასრულყოფილად შეასრულა ნაკისრი ვალდებულებები, რის შედეგადაც თაღლითურად დაეუფლა საგარეჯოს მუნიციპალიტეტის გამგეობის კუთვნილ დიდი ოდენობით თანხას 21921,86 ლარის ოდენობით", — ნათქვამია განცხადებაში.

გამოძიება დიდი ოდენობით სხვისი ნივთის თაღლითურად დაუფლების მუხლით მიმდინარეობს. გამოძიებას სახელმწიფო უსაფრთხოების სამსახურის ანტიკორუფციული სააგენტო აწარმოებს.