სერენა უილიამსი ჩოგბურთის კორტებზე დაბრუნდა და წინსვლას საკუთარ ბრენდთან სერენა-სთან ერთად აგრძელებს, რომლის ინვესტორიც თავად არის. მისმა თავდაუზოგავმა შრომამ და პოპულარობამ შედეგი გამოიღო - სერენა პირველი ათლეტია, რომელიც Forbes-ის დამოუკიდებლად გამდიდრებული ქალების სიაში მოხვდა.

ფორბსის მიხედვით, სერენას ქონება 225 მილიონ დოლარს შეადგენს.

თანხის უდიდესი ნაწილი მისი გონების და ბრენდის დამსახურებაა და არა ვინმესგან გამოწვდილი დახმარების ხელის.

სერენამ 2019 წლის აპრილში ოფიციალურად დააანონსა Serena Ventures, თუმცა ის საიდუმლოდ დებდა ინვესტიციებს კომპანიებში, რომლებიც ფოკუსს ფერადკანიანი ადამიანების მხარდაჭერაზე აკეთებდნენ. ეს ყველაფერი, მისი ინვესტიციების 60%-ს შეადგენს. ის ასევე საკუთარ ქმართან ალექსის ოჰანიანთან ერთად მუშაობდა, რომელიც Reddit-ის თანადამფუძნებელია. როგორც სერენა აცხადებს, ის ქმრისგანაც დიდ მხარდაჭერას იღებდა.

სერენამ საკუთარ ხედვაზეც ისაუბრა:

მსურს, რომ ინფრასტრუქტურაშიც ვიყო. ასევე მინდა, რომ თვითონ ვიყო ბრენდი და არა უბრალოდ ბრენდის სახე.

ამჟამად კომპანია Serena Ventures 10 მილიონ დოლარადა შეფასებული, ანუ თავდაპირველ ინვესტიციასთან შედარებით ორჯერ მეტად. სერენა ცდილობს მოდის სამყაროში საკუთარი როლი გაზარდოს და გეგმავს, რომ საიუველირო ხაზი სახელით S by Serena გამოუშვას.