ზუგდიდში გამართულ წინასაარჩევნო შეხვედრაზე ნაციონალური მოძრაობის მაჟორიტარობის კანდიდატმა სანდრა რულოვსმა მოსახლეობას მიმართა:

"ჩვენ დღითი დღე ვიზრდებით და ჩვენი მხარდაჭერა იზრდება. 12 დღეა დარჩენილი არჩევნებამდე და ვაჩვენოთ ჩვენი ძალა".

სანდრა რულოვსმა ქართული ოცნების მიერ დასახელებულ მაჟორიტარობის კანდიდატს ედიშერ თოლორაიას, რომელიც ზუგდიდის გამგებელი იყო, შეხვედრისკენ მოუწოდა.

ნაციონალური მოძრაობის კანდიდატის თქმით, ის მიხეილ სააკაშვილს პოლიტიკოსის ნიჭით ჩამოუვარდება:

"მიშა ამბობს, რომ მე ვარ სანდრა, თუმცა მისი ფეხის ზომა ჩემსაზე ბევრად დიდია, მისი ნააზრევი, რა უნდა მოხდეს და როგორ უნდა მოხდეს, ყოველთვის მართლდება, ის აქ იქნება ჩვენთან ერთად, რომ გამარჯვება იზეიმოს. რომც დასჭირდეს ოდესიდან სოლოლაკამდე გვირაბის გათხრა, ის გააკეთებს და დამიჯერეთ ჩვენთან ერთად იქნება".