ყველამ იცის ცნობილი გამოთქმა იმაზე, რომ საბჭოთა კავშირში სექსი არ ჰქონდათ, თუმცა ეს ნარატივი ახლა, თითქმის, აღარ არსებობს. ალბათ სწორედ ამან წაახალისა პროგრამისტები და თამაშების დისტრიბუტორ კომპანიაზე Steam თამაში დააანონსეს, სახელად, სექსი სტალინთან.

ფოტო: STEAM

თამაში 10 ოქტომბერს გამოდის და მომხმარებლებს სტალინს უცნობი, სექსუალური მხრიდან აცნობს. თუმცა, მან უკვე რუსი კომუნისტების ბრაზი გამოიწვია. ისინი გასართობი პროდუქტის გამოსვლას ეწინააღმდეგებიან.

მოთამაშე ახალგაზრდა დროში მოგზაური ხდება და საშუალება ეძლევა, ისტორიის კურსი შეცვალოს. თამაშში დამტვრეული ინგლისურით ხმა ამბობს: "აჩვენე ამ ულვაშიან კაცს რა არის ნამდვილი სიყვარული!"

ფოტო: STEAM

ანონსს თან ახლავს სტრატეგიულად დაცენზურებული სქრინები, სტალინი კი სხვადასხვა ადგილებში ხან ჩაცმული, ხან შიშველი დგას და პოზირებს. ის ხან დამწუხრებულია, ხან ცეკვავს, ხან კი მნახველს შუა თითების კომბინაციას უჩვენებს.

რუსეთის კომუნისტური პარტიის ხელმძღვანელი, მაქსიმ სურაიკინი დიდების თამაშის შემქნელებს "შეშლილებს" უწოდებს:

"ორი აზრი არ არის, ეს უნდა აიკრძალოს. თამაშის სახელიც კი გარყვნილებაა და გამაღიზიანებელიც".

ფოტო: STEAM

Sex With Stalin-ის გარდა, დეველოპერებს მხოლოდ ერთი, სატირული ჟანრის 3D თამაში აქვთ გამოშვებული, სახელად Boobs Saga. სურაიკინი ამბობს, რომ პროგრამისტების წინააღმდეგ სამართლებრივი საკითხი უნდა დადგეს.