დღეს, 31 მაისს სამდღიანი რეკორდული გაუფასურების შემდეგ ლარი დოლართან 1,53 თეთრით გამყარდა. ეროვნული ვალუტა, გამყარდა ევროსთანაც, 1,31 თეთრით.

ეროვნული ბანკის კურსით, ხვალ, პირველ ივნისს ერთი დოლარის ღირებულება 2,7870 ლარი იქნება, ხოლო ერთი ევროს ფასი კი 3,1078 ლარი.

ეროვნული ვალუტის ისტორიაში დოლართან მიმართებაში გაუფასურების რეკორდი გუშინ, 30 მაისს დაფიქსირდა, ეროვნული ბანკის კურსით ერთი დოლარის ღირებულება 2,8023 ლარი იყო.

2019 წლის 29 მაისამდე ყველაზე დაბალი მაჩვენებელი 2016 წლის 22 დეკემბერს დაფიქსირდა მაშინ, ერთი დოლარს ღირებულება 2,7845 ლარი იყო. ბოლო თვის განმავლობაში ეროვნული ვალუტა ყველა ძირითად პარტნიორ ვალუტასთან მიმართებაში თითქმის ყოველდღიურად უფასურდება.