აზერბაიჯანში კონსტიტუციური ცვლილებების მიღების თაობაზე რეფერენდუმი დაიწყო. ინფორმაციას Ekhokavkaza Ria Novosti-ზე დაყრდნობით ავრცელებს.

რეფერენდუმის ერთ-ერთი მთავარი შეკითხვა საპრეზიდენტო მანდატის 5-დან 7 წლამდე გაგრძელებას ეხება. გარდა ამისა, რეფერენდუმი ვიცე-პრეზიდენტის პოსტის არსებობის საკითხსა და სახელმწიფო მეთაურობისა და დეპუტატობის კანდიდატებისათვის დაწესებული ასაკობრივ ცენზს ეხება.

ივლისში აზერბაიჯანის პრეზიდენტმა, ილჰამ ალიევმა პრეზიდენტის მანდატის 7 წლამდე გაზრდის თაობაზე საკონსტიტუციო სასამართლოში კონსტიტუციაში ცვლილებებთან დაკავშირებით რეფერენდუმის ჩატარებაზე პროექტი შეიტანა. სასამართლომ აღნიშნული რეფერენდუმის ჩატარების შესახებ დადებითიგადაწყვეტილება მიიღო.