ეროვნული ფორუმის ლიდერი და საარჩევნო სიის პირველი ნომერი კახაბერ შარტავა აცხადებს, რომ ქართველი ერი ურთულესი ამოცანის წინაშე დგას.

შარტავას თქმით, საჭიროა გაერთიანება, მის გარეშე დეგრადაციის პროცესი დაიწყება:

"ეროვნული იდეის ჩამოყალიბება-გათავისება ურთულესი ამოცანაა და ამ ამოცანის წარმატებით გადაწყვეტაზეა დამოკიდებული, მოვახერხებთ თუ ვერა გაბნეული ეროვნული ენერგიის შეკრება-გამთლიანებას და მიმართვას მიზნის მისაღწევად. ამის გარეშე თავს ვერ დავაღწევთ თანდათანობითი დეგრადირების მოძალებულ პროცესს, რომლის ლოგიკური დასასრულიც ქართველობის, როგორც ერის, გაქრობა იქნება".