ბათუმის შოთა რუსთაველის სახელმწიფო უნივერსიტეტის დისციპლინარულმა კომისიამ, სექსუალურ შევიწროებაში დადანაშაულებულ ლექტორს, ომარ მახარაძეს შრომითი ხელშეკრულება შეუწყვიტა. ამის შესახებ ინფორმაციას აჭარის საზოგადოებრივი მაუწყებელი ავრცელებს.

მათივე ცნობით, საბჭოს წევრებმა ლექტორს ეთიკური სტანდარტების დარღვევა დაუდგინეს. სალექციო საქმიანობა კი მახარაძეს უკვე ერთი კვირაა შეჩერებული აქვს. ანზორ ბერიძემ თქვა, რომ გადაწყვეტილება ერთხმად მიიღეს.

სექსუალური შევიწროების ბრალდება ლექტორს

მას შემდეგ, რაც სტუდენტმა ომარ მახარაძე შევიწროებაში დაადანაშაულა უნივერსიტეტმა მას სტუდენტებთან სააუდიტორიო საქმიანობა დროებით შეუჩერა. უნივერსიტეტში ჩატარდა დისციპლინური საბჭოს სხდომაც, სადაც სხვა სტუდენტებმაც წარადგინეს მტკიცებულებები. კომისიის თავმჯდომარემ განაცხადა, რომ შეხვედრამ ეჭქვეშ დააყენა ლექტორის პოზიცია.

ამავრდოულად, მახარაძე ბათუმის საკრებულოს წევრიცაა. ის ასევე სახელისუფლებო პარტია ქართული ოცნების გავლენიანი წევრია ბათუმში. ბათუმის საკრებულოს თავმჯდომარემ, სულიკო თებიძემ განაცხადა, რომ ყოველგვარ ძალადობასა და შევიწროებას გმობს. მისი თქმით, გამოძიების შედეგებს დაელოდებიან და ხელს არავის დააფარებენ.

საქმეზე გამოძიება თავდაპირველად სისხლის სამართლის კოდექსის 150-ე მუხლით დაიწყო, რაც იძულებას გულისხმობს. მოგვიანებით კი მუხლი დამშიმდა და გამოძიება სისხლის სამართლის კოდექსის 139-ე მუხლით გაგრძელდა, რაც სექსუალური ხასიათის ქმედების იძულებას გულისხმობს.