რუსეთში სახელმწიფო უწყებებსა და მუნიციპალიტეტებს პირველი ივნისიდან იმპორტული ღვინის შესყიდვა შეეზღუდებათ. შესაბამის დოკუმენტს რუსეთის პრემიერ-მინისტრმა, დიმიტრი მედვედევმა მოაწერა ხელი.

როგორც დოკუმენტშია განმარტებული, შეზღუდვა ადგილობრივი მევენახეობისა და მეღვინეობის განვითარებისთვის მიიღეს. შეზღუდულ პროდუქტებს შორის კი იქნება როგორც ყურძნისა და ხილის ღვინოები, ისე ცქრიალა ღვინო და ლიქიორი.

ეს პირველი შემთხვევა არაა, როდესაც სახელმწიფო უწყებებს იმპორტირებული პროდუქციის შესყიდვა ეკრძალებათ. 2016 წლიდან ისინი ვეღარ შეისყიდიან თევზისა და ხორცის ნაწარმს, რძეს, ბრინჯს, შაქარს, საჭმელი მარილსა და კარაქს.