ლა სილას ევროპული ობსერვატორიის ასტრონომებმა TRAPPIST ტელესკოპის საშუალებით მზის სისტემასთან 40 სინათლის წელიწადით დაშორებული ვარსკვლავის გარშემო მბრუნავი სამი პლანეტა აღმოაჩინეს.

TRAPPIST-1 ჯუჯა ვარსკვლავია, რომლის გარშემოც რამდენიმე პლანეტა ბრუნავს. მათგან სამი პლანეტა დედამიწის ზომისაა.

მეცნიერების აზრით, ამ პლანეტების ზედაპირის ტემპერატურა ვენერასა და დედამიწის ტემპერატურების მსგავსი უნდა იყოს.

TRAPPIST-1 ზომაში იუპიტერზე ოდნავ დიდია, ხოლო ტემპერატურა ჩვენს მზესთან შედარებით გაცილებით დაბალი აქვს.

ასტრონომთა თქმით, სიცოცხლის კვალს სწორედ ასეთ ახლომდებარე სისტემებში უნდა ვეძებდეთ და არა შორეულ კოსმოსში.

2018 წლიდან, მას შემდეგ, რაც ორი ახალი კოსმოსური ტელესკოპი, ESO E-ELT და NASA/ESA/CSA James Webb Space Telescope გაეშვება, ასტრონომებს ამ პლანეტების ატმოსფეროს, ზედაპირისა და მათზე მიმდინარე ბიო-აქტივობების შესწავლაც შეეძლებათ.

ამ ახალი პლანეტების და TRAPPIST-1-ს სისტემის გარდა, მეცნიერები სხვა ახლომდებარე ჯუჯა ვარსკვლავებსაც იკვლევენ.