ეროვნულ-დემოკრატიული ინსტიტუტის (NDI) გამოკითხვის თანახმად, ქვეყნის ლიდერების — პრემიერ-მინისტრის, პრეზიდენტისა და პარლამენტის თავმჯდომარის შეფასება ბოლო სამი წლის მანძილზე გაუარესდა. მათ საქმიანობას დადებითად მოსახლეობის 20 პროცენტზე ნაკლები აფასებს.

პრემიერ-მინისტრის, მამუკა ბახტაძის საქმიანობას დადებითად მოსახლეობის 20 პროცენტი აფასებს, საშუალოდ 44 პროცენტი, ცუდად 22 პროცენტი. გამოკითხულთა 14 პროცენტი კი ამბობს, რომ არ იცის.

ფოტო: NDI

პრეზიდენტის, სალომე ზურაბიშვილის საქმიანობას დადებითად 20 პროცენტი აფასებს, საშუალოდ 38 პროცენტი, ცუდად 30 პროცენტი. გამოკითხულთა 12 პროცენტი ამბობს, რომ არ იცის.

ფოტო: NDI

რაც შეეხება პარლამენტის თავმჯდომარის, ირაკლი კობახიძის საქმიანობას, დადებითად მოსახლეობის 15 პროცენტი აფასებს, საშუალოდ 38 პროცენტი, ცუდად 33 პროცენტი, ხოლო 14 პროცენტი ამბობს, რომ არ იცის.

ფოტო: NDI

კვლევა საქართველოს მასშტაბით (ოკუპირებული ტერიტორიების გამოკლებით) 2019 წლის 28 მარტიდან 15 აპრილის ჩათვლით ჩატარდა. პირისპირ ინტერვიუს გზით წარმომადგენლობითი შერჩევით 2 927 ადამიანთან ჩატარდა. კვლევა, ასევე, წარმომადგენლობითია აზერბაიჯანული და სომხური დასახლებებისთვის. გამოკითხვის საშუალო ცდომილების ზღვარი არის 2,3 პროცენტი.

NDI კვლევებს დიდი ბრიტანეთის მთავრობის UK aid-ის ფინანსური ხელშეწყობით ატარებს, საველე სამუშაოები კი CRRC საქართველოს შესრულებულია.