არნოლდ შვარცენეგერს სამხრეთ აფრიკაში თავს დაესხნენ. 71 წლის ყოფილი გუბერნატორი იოჰანესბურგში სპორტულ ფესტივალზე იმყოფებოდა.

ვიდეოში ჩანს, რომ შვარცენეგერი ჟურნალისტებთან საუბრობს, როცა მას უკნიდან უცნობი კაცი ზურგში წიხლს ურტყამს. დაცვას მოძალადე მალევე გაჰყავს ადგილიდან, რა დროსაც ისმის შეძახილი: დამეხმარეთ, ლამბორჯინი მჭირდება!

ინტერნეტს მხედველობიდან არ გამორჩენია ის ფაქტი, რომ რკინის არნის წონასწორობა არ დაუკარგავს.

მოგვიანებით მსახიობმა ტვიტერზე დაპოსტა, დიდი მადლობა, რომ ჩემზე ზრუნავთ, მაგრამ არაფერია სანერვიულოო და მართალიცაა! შვარცენეგერის აღელვება ადვილი სულაც არაა.