ზუგდიდის მეხუთე საარჩევნო უბნის კურთხევის დასრულების შემდეგ ორი დამკვირვებელი გააძევეს. ისინი გაძევებას უბნის კურთხევის გაპროტესტებას უკავშირებენ.

ნაციონალური მოძრაობის დამკვირვებლის, მაია კალანდაძის განმარტებით, სასულიერო პირი არაუფლებამოსილი პირი იყო და უბანზე არ უნდა შეეშვათ. საუბნო კომისიაში კი აცხადებენ, რომ მათი გაძევების მიზეზი საარჩევნო პროცესში ხელის შეშლაა.

კალანდაძის თქმით, მურმან ბერიშვილმა ის გააკრიტიკა, რომ ურწმუნოა. უბანი ჯერ მურმაბ ბერიშვილს დაატოვებინეს, ხოლო შემდეგ მას.

ვლაქერნის ღვთისშობლის ხატის სახელობის ეკლესიის მოძღვარმა, დეკანოზმა ფრიდონმა საარჩევნო უბანი არჩევნების მიმდინარეობის პროცესში რამდენიმე წუთის წინ აკურთხა.