პრემიერ-მინისტრის, მამუკა ბახტაძის გამოსვლისას ტექნიკური ხარვეზის გამო საზოგადოებრივი მაუწყებელი ბოდიშს იხდის. განცხადება პირველი არხის ვებგვერდზე გავრცელდა:

"12 მაისს, მახათას მთაზე ივერიის ყოვლადწმინდა ღვთისმშობლის ხატის სახელობის ტაძრის გახსნისას, პრემიერ-მინისტრ მამუკა ბახტაძის სიტყვით გამოსვლის დროს, ხალხმრავლობის გამო, ფიზიკური კონტაქტის შედეგად დაზიანდა აუდიო-ვიდეო კაბელი, რის გამოც ტრანსლაციის დროს მოხდა ტექნიკური ხარვეზი. ტექნიკური წუნის გამო საქართველოს პირველი არხი მაყურებელს ბოდიშს უხდის".

მახათას მთაზე სიტყვით გამოსვლისას მამუკა ბახტაძის საუბარი შენელებული იყო და წყდებოდა. პრემიერის გამოსვლა 4:10:00 საათიდან.