კასპის მუნიციპალიტეტში, სოფელ ყარაფილასთან, ე.წ. მესაზღვრეებმა ორი პირი გაიტაცეს. მერის წარმომადგენელმა სოფელ ქვემო ჭალაში, სტეფანე მესროფაშვილმა On.ge-სთან საუბარში თქვა, რომ დაკავებულები, დიმიტრი ისერგიშვილი და ვასილ პატარკაციშვილი სატაცურის საკრეფად იყვნენ წასულები. მისივე თქმით, სოფელ ჭალის მცხოვრებლები რუსმა სამხედროებმა 9 მაისს გაიტაცეს და ისინი დღემდე არ არიან გათავისუფლებულები.

სახელმწიფო უსაფრთხოების სამსახურში აცხადებენ, რომ დაკავებულები არიან ე.წ. საზღვრის უკანონო კვეთისთვის. მათივე ცნობით, ამ ფაქტზე უკვე ამოქმედებულია ცხელი ხაზი და ინფორმირებულია ევროკავშირის სადამკვირვებლო მისია.