ჩვენმა მკითხველმა უკვე იცის, რომ დიდი პატარა ტყუილების მეორე სეზონის გამოსვლამდე სულ უფრო ცოტა დრო რჩება, უფრო კონკრეტულად, მონტერეელი დედების საინტერესო ისტორიის გაგრძელებას 9 ივნისს ვიხილავთ.

იქამდე კი ემის მფლობელი სერიალის გულშემატკივრებს გაგახარებთ და გეტყვით, რომ HBO-მ მეორე სეზონის ახალი ტრეილერი გამოაქვეყნა, რომლის ნახვის შემდეგაც თქვენი მოლოდინი კიდევ უფრო გამძაფრდება.

რიზ უიზერსპუნი, ნიკოლ კიდმანი, ლორა დერნი, ზოი კრავიცი, შეილინ ვუდლი — მსახიობების ამ საკმაოდ შთამბეჭდავმა შემადგენლობამ მოახერხა და შოუს ყველაზე დასამახსოვრებელი პერსონაჟები შექმნა.

Big Little Lies-ს ოფიციალურ ინსტაგრამ გვერდზე კი სერიალის ახალი პოსტერიც გამოჩნდა

შეგახსენებთ, გასული წლის იანვარში ცნობილი გახდა, რომ დიდი პატარა ტყუილების ვარსკვლავურ გუნდს, კიდევ ერთი, ყველასათვის საყვარელი მსახიობი, მერილ სტრიპიც შეემატა — მისი პერსონაჟი იმაზე საშიშია, ვიდრე ერთი შეხედვით ჩანს.