ამ დროისთვის, წესით, უკვე გეცოდინებათ, რომ Game of Thrones-ის ფინალური სეზონის მეოთხე სერიაში მაყურებლებმა ეპიზოდურ როლში სტარბაქსის ჭიქა იხილეს.

ფოტო: HBO

ზოგი გაცოფებული იყო, ამხელა შოუსგან ასეთ შეცდომას არ ველოდითო, ზოგმა ძალიან იხალისა, თუმცა, სანამ ჩვენ ჭიქაზე ვიყავით გადართულები, მხედველობიდან გამოგვრჩა, რომ ამავე სცენაში GOT-ის შემქმნელები გამოჩნდნენ.

ის ორი ადამიანი, რომელსაც მთელი სერიალი და ჩვენს კვირა/ორშაბათებზე ზრუნვა აბარია 19 მაისამდე, სწორედ იმ სცენაში მონაწილეობდა, რომელშიც დეინერისს ცხვირწინ სტარბაქსის ჭიქა ედო.

ფოტო: HBO / Ellie Hall / BuzzFeed

შოუს შემქმნელებსა და ყავის ჭიქას სულ რამდენიმე მეტრი აშორებდათ, თუმცა როცა ამდენი წვრილმანი პირადად ამ ორი ადამიანის სადარდებელია, რა გასაკვირია, რომ ეს დეტალი გამორჩათ?

ფოტო: UFC / Via Giphy

ეს პირველი შემთხვევაა არაა, როცა დევიდ ბენიოფი და დ.ბ ვაისი (სხვანაირად დ&დ) ჩრდილიდან გამოვიდნენ. მეხუთე სეზონის მეექვსე ეპიზოდში ისინი სახეების დარბაზში გამოჩნდნენ.

[SPOILERS] David Benioff and D.B. Weiss cameo in the Hall of Faces from r/gameofthrones