დიდი პატარა ტყუილების მეორე სეზონის გამოსვლამდე ერთ თვეზე ცოტა მეტი დრო რჩება და HBO ჩვენს მოლოდინს ახალი სურათებით კიდევ უფრო ამძაფრებს.

მათში ვხედავთ მონტერეის დედების კლუბს, რომელსაც მერილ სტრიპის გმირიც უერთდება. როგორც თრეილერიდან გავიგეთ, მისი მთავარი მისიაა გაიგოს, ვინ მოკლა მისი შვილი.

ლორა დერნის გმირი, რენატა, რომელსაც ხელში ღვინის ჭიქა ალბათ მხოლოდ იმიტომ არ უჭირავს, რომ მანქანას მართავს.

ფოტო: HBO

ბონი, რომლის როლსაც ზოი კრავიცი ასრულებს, ძველებურად უდარდელი აღარ ჩანს.

ფოტო: HBO

სელესტი, მადელინი და ჯეინი კვლავ განუყრელები არიან.

ფოტო: HBO

ამ სურათით თუ ვიმსჯელებთ, ჯეინის მთავარი ცვლილება მისი ჩოლკაა, თუმცა ახალ სეზონში ჩვენ შეილინ ვუდლის გმირის უფრო ბედნიერ ვერსიას ველით.

ფოტო: HBO

ნიკოლ კიდმანმა პირველ სეზონში ერთდროულად დაუცველი და თან ძლიერი ქალის, სელესტის სახე შექმნა. მეორე სეზონში გავიგებთ რა ბედი ელის სახლს, რომელიც მან ქმრისგან გასაქცევად დაიქირავა.

ფოტო: HBO

და ბოლოს, მერი ლუის რაითი, რომელსაც შეუდარებელი მერილ სტრიპი ასრულებს, ჩვენს ხუთეულს ბევრ თავსატეხს გაუჩენს.

ფოტო: HBO

ასევე ნახეთ სერიალის თიზერი, რომელიც HBO-მ 14 აპრილს გამოაქვეყნა.

დიდი პატარა ტყუილების პრემიერა HBO-ზე 9 ივნისს შედგება.

ფოტო: HBO