Black Eyed Peas-ის კონცერტზე, რომელიც 16 ივნისს Blac Sea Arena-ზე გაიმართება, ბილეთების ფასი 50 ლარიდან დაიწყება. გოლდენ რინგის ფასი 100 ლარი იქნება, VIP სექციიის მსურველებმა კი ბილეთში 250 ლარი უნდა გადაიხადონ.

ბილეთების გაყიდვა დაიწყება დღეს, 30 აპრილს, საღამოს 20:00 საათზე საიტებზე TKT.ge და Eventer.ge.

Black Eyed Peas საქართველოს Check in Georgia-ს ფარგლებში ეწვევა. Black Sea Arena 2019 წლის საკურორტო სეზონის განმავლობაში სხვადასხვა კონცერტისა და ღონისძიების ჩატარებაში 6,5 მილიონი ლარის დახარჯვას გეგმავს.